Вкусот на Истанбул

Истанбул, градот во кој се среќаваат културите од два континента, меѓу другото, ќе ве изненади и со неповторливите вкусови.                                          .

Јагнешко

Јагнешкото месо е најголемиот деликатес во Турција и се приготвува на стотици различни начини. Во Истанбул треба да пробате: Кују кебаб (бавно печено, младо јагнешко месо) и Искендер кебаб (јагнешки донер со специјални зачини).

Манти

Манти е турската варијанта на равијоли. Тестото се прави од брашно, вода и сол, а филот доаѓа во повеќе варијанти. Вистинските мајстори успеваат да направат манти обвивка која е исклучително тенка и која значително го интензивира вкусот на целото јадење.

Риба покрај Босфор

Нешто што дефинитивно мора да искусите во Истанбул е уживањето во риба и турска ракија, во некој од рестораните покрај Босфор. Видот на рибата не е толку важен, колку што е важна свежината на рибите што се служат таму.

Баклава

Турската баклава е вистински деликатес во светот на десертите со шербет. Вистинските мајстори слаткари во Истанбул ја приготвуваат баклавата со најквалитетно тесто, ореви и ф'стаци, создавајќи навистина неповторлив вкус.

Локум

Локумот е можеби најпознат од турските десерти, а најквалитетните локуми ќе ги најдете во срцето на Истанбул - во Капали Чаршија. За да добиете комплетна претстава за магијата на локумот, купете асортиман локуми, по едно парче од секој од десетиците.